ROYAL FEDERATION OF NEW ZEALAND JUSTICES' ASSOCIATIONS INC
Te Kāhui Pou Whakatau Ture o Aotearoa
                                                          

 

 

O galuega e mafai ona fa'atinoina e Ali'i ma Tama'ita'i Fa'amasino ole Filemu(Justice of the Peace) mo 'oe

ALI’I MA TAMA’ITA’I FA’AMASINO O LE FILEMU

AUAUNAGA OFO FUA ATU MO TAGATA UMA

So’o se Ali’i po’o se Tama’ita’i Fa’amasino lava o le Filemu e mafai ona latou:

  • Fa’amaoniaina le moni o ni ata po’o ni kopi o ni fa’amaumauga tusitusia uma, e aofia ai fe’au fa’asalalauina i telefoni fe’avea’i ma ni fa’amaumauga e lolomiina mai masini komepiuta
  • Molimauina le moni o ni sainiga-lima faia i laupepa ma fa’amaumauga
  • Fa’atinoina tautoga, fa’amaoniaina folafolaga fa’atauto, fa’amaoniaina molimau tusitusia o ni ta’utinoga aloa’ia a tagata
  • Fa’amaoniaina tagata moni lava mai i o latou fa’asino’aga ma tupu’aga.

E saga a’oa’oina fo’i i latou i le tomai fa’a-Fa’amasino, ma latou fa’afoeina ma nofoia ai taualumaga faia o fa’amasinoga i totonu o Fale Fa’amasino Fa’a-itumalo ma faia ai ni tusi saisai mo tagata ua molia.

Nofoaga e mafai ona maua iai Ali’i ma Tama’ita’i Fa’amasino o le Filemu

Ua maua i Niu Sila atoa lava Ali’i ma Tama’ita’i Fa’amasino o le Filemu, mai lava i le itu-lagi fa’atasi’usi’u mai Matu e o’o atu lava i motu e lua o Stewart ma Chatham. Ina ia faigofie mo oe ona maua se feso’ota’iga ma se tasi o i latou:

  • Ia e asiasi i le upega tafa’ilagi o le masini komepiuta i le upu lenei: justiceofthepeace.org.nz ona o’oomi lea o le upu lenei “Find a JP”. Fa’apu’upu’u lau sa’iliga i lou filifiliaina o le a’ai tu lata ane i le mea o lo’o e iai, numera fa’a-falemeli o le tuatusi o lou a’ai (postcode), po’o le igoa o le a’ai. E mafai fo’i ona e maua se lisi o Auaunaga mo le lautele (“Service Desks”) i lou pito nu’u e maua ai Ali’i ma Tama’ita’i Fa’amasino o le Filemu ma avanoa mo tagata lautele uma (e le tau mana’omiaina ni sa’iliga avanoa e feiloa’i atu ai mo latou) e maua i Nofoaga Faufautua mo Tagata Nu’u (Citizens Advice Bureau), o Fale’oloa tetele (Shopping Malls), o Fale tusi mo tagata uma (Libraries) ma Fale Fa’amasino Fa’a-ituMalo.

Silasila i itulau Lanu Samasama ole tusi telefoni i lalo ole Ulu Faufautuaga mo le Saogalemu, o lo’o iai suafa o Ali’i ma Tama’ita’i e agava’a ile tu’uina atu o fesoasoani ma le ava e tatau ai.

 
   
1;3201;0c